لشاعر :- نصيب السكوري
ليش الوطن خالي من نزالـي .,,,.
.,,,. ليــش الجار ما يقـبل الجار
ليش المال تبقى به هلالي .,,,.
.,,,. ليـش الــقل يـهزم في اميار
ليش الظلم كي تديره يــوالي .,,,.
.,,,. ليش الحق مو لاقي انصار
ليش الشيخ لباس الــجبالي .,,,.
.,,,. يحكي غــير ما يحدد مسار
ليش الثلب فاتر في اللــيالي .,,,.
.,,,. ليش الذود حيل مــو عشار
ليش السوق واكس موش غالي .,,,.
.,,,. تجلب غير ما يشرو تجار
ريت الضـان جلـمها الـجالـي .,,,.
.,,,. و هـلها ليــش دفـاعت اجـار
يا نشاد فـسرلي احــوالي .,,,.
.,,,. و انشــد نين تعرف ويش صار
نرايف ليش نمشي للــغوالي .,,,.
.,,,. و نحكي غير ما نقلع جضار
ذيل النــاس كي يلبـس بدالي .,,,.
.,,,. ليش يعاف فالناس الحرار
هو لاصـيت لاله حس مالي .,,,.
.,,,. لاكن الارض تقلب في البذار
والاب يقول ربيتهم عيالي .,,,.
.,,,. و لـيش ضناه يقول هو اش دار
خــذاني طيف جــايبلي خـيالي .,,,.
.,,,. خباثت ليل و طيابة نهار
مــلك الله يبقــاله لعالي .,,,.
.,,,. ضــايق لبــش و مقسم اشبار
كــان النوم بريـــاح القبـــالي .,,,.
.,,,. توا لـيش يسفن في غبار
يــا حـــضار حـــالكم كـــيف حــالي .,,,.
.,,,. ولا غير دالني افكار
و اسباب القول من صاحب شكالي .,,,.
.,,,. يدور غير في حسن الجوار
ليست هناك تعليقات:
إرسال تعليق